Նորույթ. սուրճի ալյուր. 1in.am

Հաջորդ ամսվանից Եվրոպայում կսկսեն սուրճի ալյուր վաճառել, որը պատրաստվում է ոչ թե սուրճի հատիկներից , այլ սուրճի ծառերի պտուղների կեղևներից, որոնք նախկինում չէին օգտագործվում, այլ ոչնչացվում էին, գրում է kedem.ru-ն:

Արտադրող Coffee Flour ընկերության խոսքերով՝ տեխնոլոգներն արդեն հացի, թխվածքների բաղադրատոմսեր են մշակել, որոնք տնային պայմաններում կարելի է պատրաստել այս ալյուրի միջոցով: Այդ ուտեստները սուրճի դառնություն չունեն, դրանք նուրբ բոված մրգային համ ունեն:

Սուրճի ալյուրը կարող է տնային թխվածքաբլիթներում լրացնել ցորենի ալյուրին, կամ փոխարինել դրան: Այս արտադրանքը ցորենի ալյուրից ավելի օգտակար է, քանի որ 50%-ով ավելի շատ սպիտակուցներ, 5 անգամ ավելի ցելյուլոզա է պարունակում, իսկ գլյուտեն դրա մեջ ընդհանրապես չկա: Սուրճի ալյուրի մեջ ավելի շատ երկաթ, կալիում կա: Ալյուրի գինը առայժմ չի հաղորդվում:

Հարցեր, պատասխաններ, մեկնաբանություններ